EV Charging

[有片]假蓋?Tesla Model Y Performance配置降級?

[Bolt仔開😍share] 是咁的。Tesla Model Y Performance比Long Rangel貴,因為高一個grade, 配置高啲,而且輸出大啲,有450馬力,由0至100公里加速只需3.7秒,製動力要求高啲,除咗前轆同LR一樣配備高性能意大利頂級Brembo製動器,連後轆都有;仲以鮮紅色Bremdo卡鉗(俗稱鮑魚)區分,易認、搶眼、靚仔。但最近外國消息話四個月前Tesla開始down graded咗⋯⋯ 外表睇落無變,Tesla亦網頁無提,但神通廣大嘅美國車主已發現2022年8月15日後生產嘅Model Y Performance,後轆製動器中已經變降級咗變咗同Long Range一樣用Mando。 原來為咗外觀上冇咁易發現換咗,Tesla整咗個紅色塑膠蓋遮住Mando嗰卡鋏,但只要摸吓就會發現同前轆卡鉗相比質地唔同,係膠嘅! 美國專改電動車嘅公司ZEVcentric就搵嚟3部不同年份生產嘅Model Y 快速拆解來比較下及測試;分別係: 作為參考,先睇前轆卡鉗同迫力碟 (Performance同LongRange前轆本身係一樣 )。 左邊:2023版Performance 用Mando,右邊係2022年Performance用是Brembo。係迫力碟中心正面有一個額外通風孔,與 Brembo 卡鉗相關。 不過,帶返個頭盔先,專家話,車大部分制動都係通過前軸完成。切換後卡鉗唔會對實際製動性能產生巨大影響,所以有乜分別真係要進行更多測試先至可以確認。 Bolt仔就覺得唔洗講,如果香港Tesla車價都有份打個八折,咁就冇野講啦! 想睇多啲仲有埋片: Source: Tesla,  Inside EV ;ZEV centric, twitter@ZEVcentric

[有片]Sony x Honda電動車:Afeela初登場!

Engadget [Bolt仔開心share] 是咁的。 3年前, Sony係CES(消費電子展)放架EV概念車Vision-S出嚟,當時令大家機迷極興奮,但佢話只係用嚟展示Sony嘅系統,絕對無意加入汽車業。 到2022 年 3 月,突然宣布同本田,聯手打造一款純電動 SUV,六月仲合體成立Sony Honda Mobility,震驚宙宇! 終於昨日,又係CES(消費電子展),Sony-Honda Mobility正式推出首款EV 概念車原型Vision-S 02 :名為 Afeela。 CEO Mizuno san表示Afeela 具備本田嘅 安全同駕駛員輔助系統以及Sony嘅互動功能. “Afeela代表我哋互動關係概念,在這種關係中,人們感受到互動移動的感覺,移動可以利用傳感和人工智能技術檢測和理解人和社會。” 講個好複雜咁,簡單講一個字 “FEEL”!移動體驗嘅核心是「感覺」。 外型似Lucid Air 溝Tesla, 定位係Mercedes-Benz,BMW,Volvo同Audi個級 。硬件上 包括: 車包含全套下一代軟件,有Qualcomm Technologies 用於 ADAS 同遠程信息處理解決方案嘅 Snapdragon 數碼底盤 其實軟件先係最重要,Sony-Honda利用Sony係人工智能、娛樂、虛擬現實同增強現實方面嘅經驗來展示出一架獨特嘅電動汽車。車主將要用月費計劃訂閱部份功能,以Sony PS 5嘅經驗,實在令車迷機迷都有無限想像。 電動車計劃在本田係美國嘅車廠生產,將於 2025年中率先在美國網上預購,預計將 2026 年春季交付,日本及歐洲亦會有份。 想睇埋CES 發布會,有片 Source: Afeela; The Verge ; Engadget; Entrepreneur; Car and …

[有片]Sony x Honda電動車:Afeela初登場! Read More »

Shopping Cart